யாழ் பல்கலைக்கழகத்திற்கு அருகில் பிடிக்கப்பட்ட 21 வயதுக் கள்ளனிடம் செய்மதித் தொலைபேசி

வழிப்பறி, கொள்ளைச்சம்பவங்களுடன் தொடர்புபட்டிருக்கலாம் என்ற சந்தேகத்தின் அடிப்படையில்; 21 வயதுடைய ஒருவரை நேற்று வியாழக்கிழமை யாழ்ப்பாணம் பல்கலைக்கழக வீதியில் கைதுசெய்துள்ளதாக யாழ்ப்பாணம் குற்றத்தடுப்பு பொலிஸார் தெரிவித்தனர்.

சந்தேக நபர் கைதுசெய்யப்படும்போது முகத்தை மூடிய வித்தியாசமான தலைக்கவசம் மற்றும் செய்மதித் தொழில்நுட்பத்தில் இயங்கும் அலைபேசி என்பவற்றை உடைமையில் வைத்திருந்துள்ளதாக தெரியவந்துள்ளது.

சந்தேக நபரிடம் பொலிஸார் விசாரணைகளை மேற்கொண்டு வருகின்றனர்.