அமெரிக்காவுடன் கை கோர்த்தனரா ஜனநாயகப் போராளிகள்!!

இலங்கைக்கான அமெரிக்க  தூதரகத்தின் அரசியல்பிரிவு அதிகாரிகளுக்கும் ஜனநாயகபோராளிகள்கட்சினருக்குமிடையிலான முக்கியத்துவம் வாய்ந்த சந்திப்பொன்று இன்று யாழ்ப்பாணத்தில் இடம்பெற்றது.

2009 பின்னரான காலப்பகுதில் தமிழர்களின் சமூகபொருளாதார விடுதலை தொடர்பிலான அரசியல் பணி எவ்வளவு தூரம் முக்கியத்துவம் பெறுகிறது என்பது தொடர்பிலும் இடருற்று இன்னல்களை சந்தித்த தமிழர்களின் வாழ்வியல் போக்கில் மாறுதல்கள் தொடர்பில்  போராளிளது அரசியல் பணிகளின் காத்திரமான பங்களிப்பு தொடர்பில் விரிவாக கலந்துரையாடப்பட்டது.

ஜனநாயகபோராளிகள்கட்சியின் தற்போதை தாயகஅரசியல் முன்னெடுப்புக்கள் தொடர்பிலும் போராளிகளது அரசியல் பிரவேசம் குறித்தும் அமெரிக்க அரசு கரிசனையுடன் அவதானித்து வருவதாக தெரிவிக்கப்பட்டது.

தமிழர்களுக்கான சாத்தியப்பாடான அரசியல் தீர்வினை பெற்றுகொள்ள வேண்டுமாயின் தமிழர்களது அபிலாசைகள் தொடர்பில் கரிசனையுள்ள அனைத்து அரசியல் கட்சிகளும் இணைந்து பயணிக்க வேண்டியதன் அவசியத்தையும் அந்த ஒற்றைகாரணத்துக்காகவே 2000 ஆண்டுக்க்குபின் விடுதலைப்புலிகள் கூட்டமைப்பை நிறுவினர் என்றும் அதன் அவசியம் இன்றுவரை தொடர்வதாகவும் எம்மால் தெரிவிக்கப்பட்டது. இலங்கையில் எவ்வாறான ஆட்சிமாற்றங்கள் நிகழ்தாலும் தமிழர்களுகான நீதியுடன் கூடிய கௌரவமான வாழ்வினை உறுதிசெய்யும் கரிசனையோடு அமெரிக்க அரசு தொடர்ந்து காரியமாற்றுமென சந்திப்பில் எடுத்துரைக்கப்பட்டது.

க.துளசி