மாங்குளம் வெடி விபத்தில் காயம் அடைந்தவரும் மரணம்

மாங்குளம் பகுதியில் மிதி வெடி அகற்றும் பணியில் ஈடுபட்டுக்கொண்டிந்த போது குண்டு வெடித்ததில் படுகாயமடைந்தவரும் நேற்று பிற்பகல் உயிரிழந்துள்ளார்.

கடந்த மூன்றாம் திகதி மனிதநேய கண்ணிவெடி அகற்றும் பணியின் போது ஏற்பட்ட வெடிவிபத்தில் படுகாயமடைந்த வவுனியா ஓமந்தையைச் சேர்ந்த இராஜேந்திரன் நிதர்சன் (28) என்பவரே இன்றையதினம் உயிரிழந்துள்ளார்.

வவுனியா மாவட்ட வைத்தியசாலையில் அதிதீவிர சிகிச்சைப் பிரிவில் சிகிசைப்பெற்று வந்த நிலையில் இன்று(05) மாலை நான்கு மணியளவில் சிகிச்சை பலனின்றி உயிரிழந்துள்ளார்.

இதேவேளை நேற்றையதினம்(04) இவரின் கர்ப்பிணியான மனைவி நஞ்சருந்தி தற்கொலைக்கு முயன்ற போது உறவினர்களால் காப்பாற்றப்பட்டு பின்னர் சிகிசைக்கு பின் வழமைக்கு திரும்பியுள்ளார் எனத் தெரிவிக்கப்படுகிறது. இதேவேளை ஏற்கனவே உயிரிழந்த கிளிநொச்சியை சேர்ந்த பத்மநாதன் திலீபனின் மனைவியும் நிறைமாத கர்ப்பிணி என்பது குறிப்பிடத்தக்கது.