வவுனியாவில் திருட்டு நகைகளுடன் சிக்கிய பெண்

வவுனியாவில் 15 பவுண் திருட்டு நகைகளுடன் பெண் ஒருவரை வவுனியா குற்றத் தடுப்பு பொலிஸார் கைது செய்துள்ளனர்.

இச்சம்பவம் தொடர்பாக மேலும் தெரியவருகையில்,

“வவுனியா - பண்டாரிகுளம் பகுதியில் கடந்த 24ம் திகதி வீட்டொன்றிலிருந்து 15 பவுண் நகைகள் திருடப்பட்டன.

இது தொடர்பாக குறித்த வீட்டின் உரிமையாளர் வவுனியா குற்றத் தடுப்பு பொலிஸாரிடம் முறைப்பாடொன்றை மேற்கொண்டனர்.

அதன்பிரகாரம் விசாரணைகளை மேற்கொண்ட வவுனியா குற்றத் தடுப்பு உபபொலிஸ் பரிசோதகருக்கு கிடைத்த இரகசிய தகவலையடுத்து, உக்கிளாங்குளம் பகுதியில் வைத்து பெண் ஒருவரை கைது செய்ததுடன், அவரிடமிருந்து 15 பவுண் நகைகளையும் மீட்டுள்ளனர்.

கைது செய்யப்பட்டவர் இன்றையதினம் நீதி மன்றில் முற்படுத்தப்பட்டு எதிர்வரும் 2ம் திகதி வரை விளக்கமறியலில் வைக்கப்பட்டுள்ளார்.