இராணுவம் தொடர்பில் ஊடகங்கள் தவறான விமர்சனங்களை வெளியிடுகின்றது?

இராணுவம் மக்களுக்கு செய்யும் சேவைகளை சரியான முறையில் மக்களிடம் கொண்டு செல்லுங்கள் என்று யாழ்.மாவட்ட பாதுகாப்பு படைகளின் கட்டளை தளபதி மேஜர் ஜெனரல் தர்ஸன ஹெட்டியாராச்சி கூறியுள்ளார்.

பலாலியில் இன்று நடைபெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும்போதே அவர் மேற்கண்டவாறு கூறியுள்ளார். 

இதன்போது, தொடர்ந்தும் கருத்து வெளியிட்டுள்ள அவர்,

நாம் செய்யும் சேவைகள் அரசியல் நோக்கம் கொண்டதோ அல்லது யாரையும் ஏமாற்றும் நோக்கம் கொண்டதோ அல்ல.

யாழ்.மாவட்டத்தில் உள்ள இராணுவம் தெற்கில் உள்ள தொண்டு அமைப்புக்களுடன் இணைந்து வாழ்வாதார ரீதியாக பாதிக்கப்பட்ட மக்களுக்கான உதவி திட்டங்களை இன்றளவும் செய்து வருகின்றது.

இதேபோல் 10 ஆயிரம் இராணுவ வீரர்கள் தமது கண்களை தானம் செய்துள்ளார்கள், 10 ஆயிரம் மலசல கூடங்களை அமைத்துக் கொடுக்க திட்டமிட்டுள்ளோம்.

இதேபோல் யாழ்.மாவட்டத்தில் கார் பந்தயம் மற்றும் மோட்டார் சைக்களின் பந்தயம் போன்றவற்றை நடாத்தவும் இராணுவம் தீர்மானித்துள்ளது.

30 வருடங்கள் இந்த நாட்டில் இடம்பெற்ற யுத்தம் காரணமாக மக்கள் அனுபவித்த துன்பங்களை கண்கூடாக பார்த்து அதன் அடிப்படையில் செய்யப்படும் உதவிகளாகும்.

ஜனாதிபதி மற்றும் பிரதமர் ஆகியோர் இந்த நாட்டில் இனங்களுக்கிடையில் நல்லிணக்கத்தையும், ஒற்றுமையையும் உருவாக்குவதற்கு முயற்சிக்கின்றார்கள்.

இதேவேளை, அதன் ஒரு பாகமாகவே இந்த உதவித்திட்டங்கள் அமையும். எனவே நாம் வழங்கும் உதவி திட்டங்கள் தொடர்பாக சில ஊடாகங்கள் தவறான விமர்சனங்களை மக்கள் மத்தியில் கொண்டு செல்கின்றது என்றும் யாழ்.மாவட்ட பாதுகாப்பு படைகளின் கட்டளை தளபதி மேஜர் ஜெனரல் தர்ஸன ஹெட்டியாராச்சி குறிப்பிட்டுள்ளார்.

ஊடாகவியலாளர் சந்திப்பிப்புத் தொடர்பான முழுமையான காணொளிப் பதிவு

யாழ்.கோட்டையை தந்தால் காணிகளை விடுவிக்கலாம்: யாழ்.கட்டளை தளபதி