யாழ் மாவட்டச் செயலாளர் நா.வேதநாயகன் அவர்களிற்கு சேவை நலன் பாராட்டு விழா

யாழ் மாவட்டச் செயலாளர் நாகலிங்கம் வேதநாயகன் அவர்கள் , அரச சேவையிலிருந்து ஓய்வுபெறுவதையடுத்து அவருக்கு சேவை நலன் பாராட்டு விழா இன்று நடத்தப்பட்டது.

இந்த விழா யாழ்ப்பாணம் மாவட்ட செயலக அரச அதிகாரிகள், உத்தியோகத்தர்கள் மற்றும் பிரதேச செயலாளர்களின் ஏற்பாட்டில் மாவட்ட செயலக கேட்போர் கூடத்தில் இடம்பெற்றது.

யாழ்மாவட்ட மேலதிக அரச அதிபர் ம.பிரதீபன் தலைமையில் இடம்பெற்ற இந் நிகழ்வில் மாவட்டச் செயலாளர் நா. வேதநாயகன் அவர்கள் தமது பாரியாருடன் கலந்து கொண்டார்.

நிகழ்வில் 2015ஆம் ஆண்டு முதல் இன்று வரை யாழ்ப்பாண மாவட்டத்தின் செயலாளராக கடமையாற்றிய நா. வேதநாயகன் அவர்களுக்கு கௌரவிப்பு நிகழ்வும் வாழ்த்துரைகளும் இடம்பெற்றன.

நிகழ்வில் யாழ்ப்பாணம் மாவட்டத்தை சேர்ந்த பிரதேச செயலாளர்கள், மாவட்ட செயலக உத்தியோகத்தர்கள் மற்றும் திணைக்கள தலைவர்கள் கலந்து கொண்டனர்.

இலங்கை நிர்வாக சேவையில் சிறப்புத் தரத்தைக் கொண்ட நாகலிங்கம் வேதநாயகன், போரின் போது கிளிநொச்சி மாவட்ட செயலாளராகக் கடமையாற்றியதுடன், இறுதிப் போரின் பின்னர் தடுப்பில் வைக்கப்பட்டு விசாரணைக்கு உள்படுத்தப்பட்டவர் என்பதும் இங்கு குறிப்பிடத்தக்கது.


அன்புள்ள வாசகர்களே! நீங்கள் தெரிவிக்கும் கருத்துக்களுக்கு எமது நியுஜப்னா நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துக்களாகும்.

Leave a Reply

Your email address will not be published. Required fields are marked *