அசாத் சாலி, ஹிஸ்புல்லா, ரிஷாத் பதியுதீன் போன்றோரை கட்டாய விடுமுறையில் அனுப்புங்கள்! வடக்கு ஆளுநர்

அசாத் சாலி, ஹிஸ்புல்லா, ரிஷாத் பதியுதீன் ஆகியோருக்கு ஒருமாதம் கட்டாய விடுமுறையில் செல்ல வேண்டும் என்று வடமாகாண ஆளுநர் சுரேன் ராகவன் வேண்டுகோள் விடுத்துள்ளார்.

அமைச்சர் ரிசாத் பதியுதீன் கிழக்கு மாகாண ஆளுநர் ஹிஸ்புல்லாஹ், மேல் மாகாண ஆளுநர் அசாத் சாலி போன்றோருக்கு எதிராக பல்வேறு குற்றச்சாட்டுக்களை முன்வைத்து அவர்கள் பதவியிலிருந்து நீக்கப்பட வேண்டியவர்கள் என தென்னிலங்கையில் பெரும் சர்ச்சை ஏற்பட்டுள்ளது.

இந்நிலையில் அமைச்சர் ரிசாத்துக்கு எதிராக நம்பிக்கையில்லாப் பிரேரணையும் கொண்டுவரப்படவுள்ளன. நாட்டில் மேற்கொள்ளப்பட்ட பயங்கரவாதத் தாக்குதல்களோடு இவர்களுக்கு தொடர்பு இருப்பதாகவும், அதற்கான ஆதாரங்கள் இருப்பதாகவும் கூட்டு எதிர்க் கட்சியினர் தெரிவித்துள்ளனர்.

நாட்டின் அமைதியின்மைக்கு இவர்களும் காரணம் என்றும் குறிப்பிட்டுள்ளனர். இது தொடர்பில் கொழும்பு ஊடகங்களுக்கு கருத்து வெளியிட்டுள்ள வடக்கு ஆளுநர் கலாநிதி சுரேன் ராகவன், அசாத் சாலி, ஹிஸ்புல்லா, ரிஷாத் பதியுதீன் ஆகியோருக்கு ஒருமாதம் கட்டாய விடுமுறையில் செல்ல வேண்டும் என்று குறிப்பிட்டுள்ளார்.


அன்புள்ள வாசகர்களே! நீங்கள் தெரிவிக்கும் கருத்துக்களுக்கு எமது நியுஜப்னா நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துக்களாகும்.

Leave a Reply

Your email address will not be published. Required fields are marked *